السلام عليكم


حبيت اندردش مع بعض عن رايكم فى شات المنتدى .. واتمنى اكبر عدد من الاعضاء ايشاركون برايهم ومب شرط ايكونون من اللى دائما مواجدين على الشات .. راي الجميع مهم بدون استثناء

اتنى اتخبرونى الايجابيات والسلبيات مع العلم انه ادارة المنتدى على استعداد لتقبل اي انتقاد او اقتراح بكل صدر رحب وبتراعي راي الاغلبيه فى سن قوانين تحفظ الشات حتى يظل اداه تخدم الاعضاء والمنتدى ..


بالنسبالي الشات حلو ومسلى ويخلى الاعضاء دايما متصليين بعض ويقوى العلاقات الاخويه بينهم .. وانا اتعرفت عن طريقه على اخوات رائعات اتمنى انه علاقتنا تستمر دائما ان شاء الله ..

والباقى من رايي بتعرفونه اثناء حوارى معاكم فى هذا الموضوع


فى انتظار مشاركاتكم ...........................

مثل ما قلتلج يا يدتنا لازم نضبط الشات بشروط معينه

هذا رايي وبنتناقش فيه بالتفصيل لاحقاً إن شاء الله

آممممم لحد اللآن انا ما شفت شي ع الشات بالعكس

اشوفه حلو ومسلي مثل ما قالت الغلا..

رفيكـ لاتسوى قرقر وايد اتخرب الموضوع يالله مناك


واذا انته مصمم قول مره ثانيه لانى نسيت .... شو انته تتحرا مخى دفتر

انا مب ضد هالشي بالعكس انا ابا انحط قوانين خاصة مع زياده الاعضاء بس احب نتشارك كلنا فى وضع القوانين اللى اتناسب منتدانا .. ما اباها كوبي بيست مننتديات ثانيه ..

مسوكتى فديتج والله

رايج على عينى وراسى وانتى ماشاء الله شرفتى المنتدى ونورتيه

ويعجبنى فيج انج اتبادرين وترمسين وترحبين فى الموجودين .. يعنى ماشاء الله عليج مول ما عطيتينا مجال انا انحس انج يديده ..

سوالفج حلوه وخفيفه على القلب واهم شي انج ما تبوزين يوم مافيه حد فى الشات ماشاء الله فيه بنات يزعلون يوم ما يحصلون حد يرمس وياهم .. وايد انزعج يوم ايي واشوفهم ساعات كاتبين ليش سكتوا يوم انا ييت شكلى مب مرغوب فيي .. والله انا ما اقصد حد معين كذا وحده قالوا نفس الكلام


كلنا خوات ونحبكم كلكم بس ساعات نتيمع ونخلص مب معقوله انتم يالسين على الشات على طول

عقب هالكلام ما اعرف اعبر عن اللي ابا اقوله بصراحة...

بس كل اللي اعرفه اني محد يرمسني

الغلا اخاف اتخقق عليهم واااايد...

نبدأ في الجد..الحمد الله انا ارتحت للمنتدى ومثل ما قلت حق اخوي قناص انا اول مره اشترك في منتدى بشكل عام.....وصدق حسيت انكم مثل الاخوان وكأنكم في بيت واحد فحبيت انضم لها العائله..

ويه انتى صدقتى انا كنت اتغشمر



يالله وين الراقدين نبا مشاركاااات

شو اسوي بسرعه اصدق..

يعني خلاص اخليهم يرمسوني...؟؟

وبعدين شو ياب طاري الكوبي بيست مالج متعله كلمتين وتتشطر علينا

أنا اقصد يا يدتنا الفاضلة انه الشات صح حلو ولكن محتاج ضبط وشرط لإستعماله لان المنتدى مقبل على مرحله ثانية لاننا في طور اننا نتعدنا المرحلة الأولى طبعا هذا كلام كبير و ما راح تفهمينا المهم خليني اكمل


طبعا ما شاء الله المنتدى يشهد اقبال كبير من الأعضاء والتجار ولو تركنا الشات حر لكل من هب ودب راح نفتقد لمعان المنتدى فلازم نضع خطه لمواكبة والتطور ومواجهة كل الإحتمالات

ادري ما فهمتي شي وعمرج بتفهمين

ولا شو رايج اختي المسك

أدمن بسك ارقاد قم تعال شارك

ولو تركنا الشات حر لكل من هب ودب راح نفتقد لمعان المنتدى فلازم نضع خطه لمواكبة والتطور ومواجهة كل الإحتمالات..

صدقت يا قناص انا أأيدك من ها الناحية...

صدق ماقلت قناص

والشات هو واجهت المنتدى بشكل عام

وأي شي يضره با التأكيد يظرالمنتدى

فما أدري لو تتخصصون وقت التجارة عن طريق الشات بيع وشراء وتفاهم

ووقت الوناسه والهذرا ويكون في أيام أو أوقات معينه

وشو رايكم

حتى الشات تبون تحطون عليه قوانين ومنو يعني كل من هب ودب اللي بيشاركون أعضاء المنتدى

الشات وناسة وضحك وسوالف