السلام عليكم والرحمهـ اللهـ وبركاتهـ

تم فتح هذا الموضوع لنلبي كل الطلبات والاسئلهـ الخاصهـ بالمطبخ

وان شاء اللهـ انلبي كل طلباتكم في هذا الموضوع بتعاونكم وتعاون المراقبين


::::::::::شات الطبخ والطبيخ::::::::::

فكرهـ الشات انهـ نتكلم عن طبخهـ معينهـ اوطريقهـ شي او تساؤلات عن الطبخ

ونتشاور فيها وكل واحد يعطي الي يعرفهـ


بس هذا الشاات فيهـ قوانين خاصهـ بهـ

والقوانييين سهلهـ ومفيدهـ

اولا: شي الشكر للي افاادك بالمعلومهـ

لانهـ الشكـــــر ضروري راح يعرف انك خذت بنصيحتهـ وشفت فكرتهـ


ثانيا : لااااااااااااااا للكــــــــــــــــلام الفاضي

ثالثا: لاااااااااااااااا للتعـــــــــارف

رابعا: لااااااااااااا للاسئلهـ للي مالها دااعي للطبخ ومايخصها بالطبخ

محد يزوور الشات يسلم ويطلع بس عسب يزيييد بمشاركاتهـ

وان شاء اللهـ يفيدكم هالشات

مع تحياتي

يحلــــيني الجـــــمال

هههههه مايستوى ما نرمس الله يهداج

ماعليه مشرفتنا الغاليه بنحاول بس اذا ما رمنا مشيها

امممممم انزين انا بخبركم وطبعا الشكر واصل لماماتى معلمتى الاولى فى عالم المطبخ مع انى ما طلعت تلميذه شاطره ..

طبعا النصيحه لابعاد الملل اثناء الطبخ هى الله ايطول بعمرها دوم اتحط راديو على اذاعة القرآن او لبث المباشر وانا طورت الفكره من ربيعتى ودخلنا الــ ام بى 3 ....... وسجلنا عليه ادعيه وقرآن عشان نطبخ ونحصل اجر ونبعد الملل ..

وبعد كلما اييى فى بالى شي بخبركم

المعلومه رقم 2 اتعلمتها من الاندويسيه اللى كانت عندى

اذا زاد عندج خبز سليس او صمون او اي نوع كيك حطيه بالفريز لين وقت الحاجه بتحصلينه جنه فريش

وااابوك عن يعفن

تعرفيين شو اتسوين الاطرااف التوست نحن ما ناكله تقريبا صح شو اتسوين اتقطعين الاطراف وتقليهم وعقب رشي عليهـ زعتر
وبيستويلج بسكووت جي مقرمش يمي يمي ع الفن

تنا .... وصلت انا خبيرة المطابخ
عاد انا عندي افكار وافكار وافكار
بس بعطيكم الحين كم فكرة لين اهيء نفسي بالكامل للمنتدى بجميع جوانبة

عندي ولدي مايحب ياكل اي شي لانه نباتي ف كنت اتسائل كيف اطبخ له واطلعة من هاطبع واخليه ياكل جميع انواع الاكل
ف ابتكرت هاطبخة له وكانت الانطلاقة

ولدي يحب البطاطا المقلية بشكل خيالي


ويحبها بشكل الكورة



عشان اخليه ياكل اكلنا الطبيعي واعودة تدريجيا...

يبت البطاطا وسلقتها وبشرتها

بعدين يبت الدجاج وسلقته وفرمتة مع البصل والفلفل الرومي فرم ناعم جدا

واضفتة للبطاطا المهروسة والمبشورة مع اضافة جبنة شوي
وكورتها نفس البطاطا اللي يحبها


وبعدين قليتها بزيت غزير وحار عشان تكون مقرمشة من برع وطرية من الداخل ارشها من برع بنشا


وحطيتها بشكل عشوائي بين البطاطا العادية والبطاطا اللي مسوتنها بدجاج


ف ما ميزها وكلاها عادي

ورجعت سويتله نفس الطريقة بسمك الهامور ..
والحين ولدي ياكل اكل طبيعي وعادي بينما قبل 4 سنوات وانا اعاني لان اكله نباتي وبس

غلايه قالولج شات جيه خفيف ظريف

الصراحه ردج ماشاء الله عليج روحه موضوع وبالصور بعد ..

غطيتى علينا ,, حرقتينا انا انسحب

تحياتى لج فديتج

هههههههههههههههههههههههههههه
ترا قلتلكم قبل انا ما احب ارد بسبة الصور
احس الموضوع ما يكتمل الا بصور
عشان جيه انا ميوده عمري لين افتك من النقاهة
ودامني دخلت بعطيكم حل من حلول المطبخ


اذا زاد عندج عصير لا تعقينة حطيه في قوالب ثلج اللي تكون بأشكال وانواع
وحطيه في الفريزر وبيكون لون وشكل الثلج روعه اذا كان العصير لونه يختلف عن الثلج نفسه

في الصيف يتكاثر النمل عشان يخزن لشتاء وخاصة في المطبخ وعند السكريات
هاتي طباشير ورسمي خط للمكان الي تبين النمل يروحله... وبتلاقين النمل يمشي على الخط وما يتعداه

علقي في المطبخ ستارة فيها جيوب اشتريها جاهزة او سويها بروحج حق السكاكين والملاعق اللي تستخدمينها على طول وقت الطبخ وخليها قريبة من الفرن عشان تسهلين تناولها..

حطي في زبالة المطبخ عزكم الله والفريزر دايما دايما وهاذا الشي من اساسيات مطبخي قطعة فحم في الزبالة وفي الفريزر
لانها تمتص الريحة حتى لو كانت الزبالة مفتوحة ..

وبس المرة الياية بكمل

ههههه يعطيج العافيه فديتج على هالمعلومات الحلوه شجعتينا انحط صور

يحلينى الجمال لا تحرجين على ما اتذكر معلومه الحين .. بس ابا اشكر غاليه على المعلومات الحلوه واخبرج انى سويت الخبز مالج ويا زعتر بس ماكلته عطيت اليهال شكله عيباهم ..

انا ما اعرف اطبخ

الموضوع حلو وافكاركم حلوه

انا بدور معلومات من النت وبحطها

مرة ثانية رجعتلكم بأفكاري ويارب تعجبكم ....
المعروف عني اني اموووووووووووووووووووت في عيالي وابوهم طبعا واموت في اليهال بشكل عام
لاني كنت ادرس يهال وكنت مستمتعة بهذا الشي

اذا كنتي من النوع اللي يحب المطبخ
وعندج يهال و (بنات ) بشكل خاص ... خلهيم يشاركونج بس بطريقة ثانية
واكتشفي ابداعاتهم ...
مثلا لما تفتحين علب الفاصوليا والذرة او اي نوع من المعلبات .. لا تعقينة واغسليه وعطيه لبنتج في الوقت اللي انتي يالسة تطبخين فيه... وقوليلها سويلي علبة اقلام من الاستيكرات والالوان اللي عندج..
ومهما كانت النتيجة افرحي ابها وحطي اقلامج فيها عشان تتشجع مرة ثانية ...

المرة الثانية عطيها صحون الورق وعلبة الوان مائية والوان الماستر وقليلها سويلي حيوانات وورود من هاصحون
لاني احتاجهم لمناسبة قريبة ... شوفي شو بيكون انتاجها..


يمعيلهم اعواد الايس كريم وقوليلهم سوولي اشخاص منهم او كل واحد يسوويلي شخصيته او حتى اي شخصية يحبها...


اني الحين للأكل ... انا وحدة مجنونة بالفن واطبقة دايما في اكلي كأني ارسم لوحة ..

الفكرة الاولى : عشان اهل البيت يشتهون الفطور ...اسلقي البيض وغطيه بطماطا وبالمايونيز او اللبنة نقطي بالقمع عشان يعطيج شكل الفطر


هاتي البطيخة وقطعيها من الوسط بهذا الشكل او اي شكل تبينة
بنسبة لهذا الشكل ثبتي عجلات البرتقال والتفاح بأعواد الاسنان.. واترسي البطيخة بكل الفواكه اللي تحبينها ... وشوفي اذا ما قربوا عليها لو ما ياكلون منها بتلاقينهم ياكلون غصبن عنهم...


هاتي اي نوع من البسكوت الاصابع مثلا جالكسي او تويكس الميني الصغير... وكيكة فانيليا قصيها شريحة دائرية
بعدين صبي فوقها كريم شانتيه وحطي حبة ام اند امز الصفرا عشان يعطيج شكل البيضة
بيستانسون اليهال عليها وانا عيالي حبوا البيض من طريقتي للسويت فصاروا يحبون هذا السويت ويحبون البيض طبعا .

وبس ... ابا اشوف مشاركاتكم ّ!!

بذبحها الي ما بتحط افكارها
اترياااااااااااااااااااااااااااااااااااااااااااااا كم
فديتكم فد وفد

هااااي بنوتاااات شحالكن ؟؟!! المهم






إذا كان مطبخج ضيج لا تحاتين بعطييييج حلول كثيرهـ عسب اتحسييين بارتياااح اكبر

اول شي: تستغلييين المساحة العمودية بدلاً من الأفقية .

ثاني شي : ارتفاع السقف و اختيار اللون الفاتح لها يساعد على إعطاء شعور الأتساع ( يعني بيكوون لج نفس لطباااخ )

ثالث شي : استخدام الألوان الفاتحة في تأثيث المطبخ قدر الإمكان و تجنب الألوان القاتمة لأنها تزيد من الإحساس بالضيج ( عشااان لاتظهر الطبخهـ محترقهـ ) ...:icon28:


رابع شي : استخدام طاولة جانبية قابلة للطي عند عدم الاستخدام ( اتيبين طاولهـ تتميع ههه) اسولف


خامس شي : اممممم شوفي هالفكرهـ ياعيني

عمل شباك و همي على الجدار ويرسم بداخله منظر خارجي يعطي حيوية أكثر للمطبخ و كأنه شباك حقيقي


سادس شي : استغلال الأركان و الزوايا في المطبخ لأنها غالباً مساحات ضائعة .

سابع شي : زيادة مصادر الإضاءة الصناعية داخل المطبخ سواء كانت تحت الخزائن أو فوقها و أنواع الإضاءة المركزة أو العامة


ثامن شي : حاولي اختيار أرضية المطبخ والدواليب والسقف بألوان متقاربة مما يعطي شعورا بالسعة


واخيرا تعبت بس خلااص

عااد هذي عن الخقهـ خخخ بس الي مرهـ اتحب اطووبخ يبالها اربع ههههه

لا تتمسكي بفكرة أن البوتاجاز يجب أن يكون كبير الحجم أو له أربعة مواقد

وعموماً لكل مطبخ طبيعته الخاصة التي من خلالها يمكن تحديد أفضل الحلول بالنسبة له


والسموحهـ ان شاء اللهـ افدنااااكم بعلوماتيهـ

وداااعهـ اللهـ الغاليييين

مراحب

يسلمووو ع الموضوع الحلوووو والافكار الحلوووه

غاليه ما شاء الله افكارج رووووعــــــــــــه كلها ابدااااااااااااع

انا بعدي ما فكرت بشي ..

انا بروحي مادش المطبخ الا ناادراااا ... <<ههههههههههههه

بفكربشي وبخبركم


^_^

ماشاءالله عليج غالية
الله يعطيج العافية باجر بطبق طبق البطاط وبخبركم

نتريا النتيجة اماراتية 77

يا حليلكم يابنات الإمارات والله إنكم جيدات ، بالتوفيق إن شاء الله

تسلمين اختي ملكة التوجيه وحياج ويانا فى قسم المطبخ يالله خبرينا عن تجاربج ..